Santa Lutzi bezperan eta egunean bertan Egunkaria auziaren gaineko informazioa zabalduko da bi herrietan.
Lekaio Kultur Elkarteak eta Zintzo Mintzo Euskara Elkarteak bat egin dute 'Egunkaria' kasuan auzipetuta daudenei elkartasuna adierazteko Euskal Herri guztian egiten ari diren ekimenekin. Hori horrela epaiketa abenduaren 15ean hasiko denez, Santa Lutzi bezperan eta egunean, Egunkariaren aldeko hainbat ekintza izango dira bi herrietan.
- Elkarretaratzea: Abenduak 12, Santa Lutzi bezpera, larunbata, arratsaldeko 7:30ean Areizaga-Kalebarren plazan.
- Informazio-banaketa eta salmenta-postua: abenduak 13, Santa Lutzi eguna, igandea, goizeko 11etatik eguerdiko 14:00etara Areizaga-Kalebarren plazan.
Euskal Herri mailan ere izango dira beste hainbat ekintza epaiketaren bezperetan.
- Kontseiluaren deialdia: abenduaren 11n elkarretaratzeak Euskal Herriko hiriburuetan.
- Abenduaren 19an, manifestazio nazionala Bilbon.
otamotz.com - 2009, Abendua, 10